The ManicaPost
Zvidzidzo zveChishona naBambo J
Mhuka nevana vadzo
Hwai – shere
Gava – hambwana
Inda – rakadzi
Kamba – shasha
Garwe – ganyamatope
Tsuro – nhowa
Shumba – handa
Rwaivhi – mandishaya
Hove – rereza
Katsi – chidharimbo
Shoko – maidei/shokorana
Mbira – chiduwa
Njiri – chinjerete
Mvuu – handachibvuwa
Bimha – tsvana
Mbeva – manditeya
Nyuchi – zana
Datya – zunguzurwa/buruvuru
Nzou – mhuru
Huku – nhiyo
Gudo – rushiye
Munhu – rusvava
Tsumo
1. Ishe ndishe, muranda muranda
2. Ishungu dzomutana waswera padare kuramba nemhandire seane meno
3. Isimba kaviri kurwa nemukadzi weasipo
4. Kakara kununa hudya kamwe
5. Kamoto kamberewere kanopisa matanda mberi
6. Kana shumba ikashaya nyama inodya uswa
7. Kana wadya imbwa idya iri hono
8. Kandiro enda kandiro dzoka
9. Kandiro kanoenda kunobva kamwe
10. Kangoma kana koririsa kawa pedyo nekuda kubvaruka
11. Kubaya tange hama vatorwa vakutye
12. Kubikira mweni kumudzinga
13. Kuchengeta imbwa yomweni kuda mwene wayo
14. Kuchenjedza nyamukuta kuzvara uchada
15. Kuda chemungozva kubata mwana
16. Kudada kwavari mugomo kukumbira vari pasi mapfiwa
17. Kudya chevapfupi nekureba
18. Kudyirwa munda nembwa sendakarima nyama
19. Kufa izuva rimwe, kuora igore
20. Kufa kweane hari anosiya mazonde
21. Kufira mafufu segonzo
22. Kugara nhaka kuona dzevamwe
23. Kugarika tange nhamo
24. Kugocha kunoda kwaamai kwomwana kunodzima moto
25. Kugutswa nguva shoma senzara
26. Kujaidza makudo neanokamhina
27. Kukokwa kwasamusha kukokwa kwavagere naye
28. Kukonwa kwedare kukonwa kwamambo
29. Kukurukura hunge vapotsva
30. Kungotya nyanga dzezizi nyamba manhenga
31. Kunokanganwa mudyi wenyemba muoreri wamateko haakanganwi
32. Kupa kuturika
33. Kupedza nyota kuenda padziva
34. Kupfuma kwemuchana mudzimu wake
35. Kuramba dzvuku kuona jena
36. Kuramba nyama yechidembo hunge une yetsuro
37. Kurava mbudzi nedzisipo kurava nedzava matowo
38. Kuravidza chembere muto wegwaya mangwana inofira mudziva
39. Kurayira kunoda pwere mukuru ndimambo
40. Kure kwegava ndokusina mutsubvu
41. Kure ndokuna amai kune mukadzi unofa wasvika
42. Kurembera kwedamba handiko kuwa
43. Kurera imbwa nomukaka mangwana inofuma yokuruma
44. Kurera imbwa rera inoruma igokudzivirira mupfumvu
45. Kureva ndokunei, kutarisa kurevawo
46. Kurova imbwa wakaviga mupini
47. Kurumwa nechekuchera
48. Kusaziva kufa
49. Kutaura kudzikisira kuita makata
50. Kuvhunduka chati kwata hunge une katurike
51. Kuyewedza semhiripiri mukati izere uturu
52. Kuziva mbuya huudzwa
53. Kwadzinorohwa matumbu ndiko kwadzinomhanyira
54. Kwamairidigikira ndiko kwomoringa benya, kwamairinga benya ndiko kwomoridigikira
55. Kwave kusakara kwedowo serisakadyiwa nyama
56. Made echakata kutsvukira mumuti kuti ndiposherwe
57. Mai musuva usingasevi muto
58. Makunguo zvaakatya akafa mangani
59. Makunun’unu maodza nyemba
60. Manenji kuona kamba ichitamba nembudzi
61. Mangachena inoparira parere nhema
62. Manyengedza pfungwa efodya kuzadza dama nehutsi husingasviki kuguru
63. Mapudzi anovira kusina hari
64. Matakadya kare haanyaradzi mwana